罗小群2019/07/05
落水唔要落咁大,水漫山丘唔见晴。
挂念下游妹屋卡,祈求老天怜苍生。
岭顶生梅岭脚柳,涯住水西妹住东。
千里姻缘牵红线,山水相隔心连通。
那年与妹初相遇,妹子十七哥十八。
七八十五逢圆月,常盼哥妹共年华。
落水唔要落咁大,水漫山丘几担心。
急水撑船唔耽搁,阿哥就到妹唔惊。
(入夏雨季暴雨侵多地,洪水致损失严重,写此山歌表达关注,歌不纯是情歌)